المساعد الشخصي الرقمي

مشاهدة النسخة كاملة : اخواني أنا توني صغير وأبي أحد يساعدني



عبداللطيف خالد
31-07-10, 02:27 PM
السلام عليكم ورحمة الله وبركاته


..


حنا بنبني بيت انا واخواني وامي ..

وبما أن ابوي متوفي الله يرحمه أنا اللي ماسك كل شي

وأنا توني عمري 19 ولا عندي خبره في هالأشياء والحمدلله المقاول والمهندس أصحاب ابوي ومريحيني كثير

لكن فيه أشياء عقدتني


مثلا سألوني تبون التكييف مركزي ولا وحدات ولا عرفت وش اقول وين الافضل ما ادري

انا فكرت بما ان هو دور وشقتين فوق


يصير الدور تكييف مركزي .. والشقتين وحدات ..

وأبي إفادتكم

وطبعا ينفع اخلي كل غرفة تحكمها لحالها بالمكيف المركزي يطول ويقصر كل غرفة لحالها صح ؟

..

والشي الثاني

الخزان الأرضي

قالي تبي خزان ارضي ولا ؟

ولا عرفت وش ارد


وفيه واحد قالي صعب تنظيفه

وما ادري كلام زايد


ابي نصيحتكم ..

منشكح
31-07-10, 02:41 PM
الله يقويك ويصلحك

العمر مهب مقياس

غيرك عمره 40 واهله ما يعتمدون عليه بكيس خبز

وانت ما شاء الله عليك رجل ولا كل الرجال وشايل حمل ما تشيله جبال

الله يقويك


بالنسبه للتكييف المركزي ما ينفع للبيوت

هذا للقصور والمعارض الكبيره وفواتير الكهربا تطلع بالالاف

الاحسن والعملي هو وحدات ( سبيليت )
وخلهم يحتاطون بالغرف الكبيره مثلا الصالة اذا كان كبيره ممكن يحطون لك اكثر من ماصوره في اتجاهات مختلفه بحيث لو ما كفا مكيف واحد ممكن تحط مكيف ثاني بعدين وبدون ما تكسر



وبالنسبه للخزان انت متاكد انهم سألوك تبي خزان ارضي ؟؟ لا يكون قصدهم خزان علوي

لان الارضي لازم تحطه لان الما في احسن حالاته ما يمشي من مصلحة المياه الا مرتين في الاسبوع واذا ما صار عندك خزان ارضي كيف بتتوفر المويه للبيت ؟؟؟

عبداللطيف خالد
31-07-10, 02:57 PM
تسلم والله على هالروح الطيبة

وعلى هالتعامل الراقي

..

اخوي بالنسبة للمركزي

اثنين من اصحابي توهم بانين بيوت

ويقولون

ركبوا المركزي وناس كثير قالوا هالكلام ؟


بس اول مره اسمع كلامك اللي انه ما ينفع الا للقصور والمعارض الكبيرة ..


وفيه ناس من اللي اعرفهم يقول انا حاطه في الامكان المفتوحة مثل

الصالة والمجلس لو كان مفتوح والمطبخ لو كان مفتوح بس والباقي وحدات


..

بالنسبة للخزان الأرضي

أذكر جيدا

انه سألني تبي خزان ارضي او لا

منشكح
31-07-10, 03:08 PM
هلا بك يا بعدي

طيب ممكن تسئل الي حطو مركزي عن فواتير الكهربا عندهم كم

ترا قصدي بانه ما ينفع الا للقصور والمعارض لان تكلفته عاليه ما يتحملها الا التجار

اما المواطن العادي كثيره عليه

الا اذا عندك استعداد تسدد شهريا 3000 ريال فاتوره كهربا

لذلك اقولك الافضل سبيلت

واذا انت عايش في في مدينه مافيها بحر ولا رطوبه
بالامكان تركب مكيف صحراوي وتسوي له دكت على الصالة مثلا علشان يخفف حرارة المناطق المفتوحة بالبيت

بس طبعا ما يكفي لحاله لازم معاه سبيلت

ابو صديق
01-08-10, 01:56 AM
كلام منشكح
صحيح مية المية
لكن ترى في كثير مايفرقوا بين المركزي بأنواعة وبين الإسبلت ويقولو للمركزي اسبلت
ورما يقصد المهندس بالوحدات مكيف الشباك
نصيحتي ووجهة نظري
شقتكم الخاصة أجعل في الأماكن الكبيرة والمفتوحة إسبلت مع تعدد التوصيلات في الجدران
أما شقق الأجار صمم له مكيف شباك أما الصالة والمجالس فيها صمم له شباك وسبلت عشان المستأجر ما يجي ويكسر بعدين

وفقك الله

عبداللطيف خالد
01-08-10, 09:37 AM
مممم .. يعني معنى كلامكم إني أركب وحدات أحسن ..

بس بالنسبة متعدد التوصيلات ما فهمتها حق ايش ؟

emperor-2007
01-08-10, 11:44 AM
يقصد مثلاً الصاله خل المهندس يسلك لها مع الجدران على انك بتركب مكيفين اسبلت

وهكذا فالغرف الكبار اما الغرف الصغيره يكفي تسليك واحد

وبالتوفيق ...... .

maxim
03-08-10, 10:31 AM
افاده واتمنى ما تكون متأخرة
التكييف اجمع الغالبية على ان الافضل هو مكيفات السبلت لانها تقي من دخول الغبار (مثل مكيف الشباك) وصيانتها غير مكلفة (مثل المكيف المركزي) كما انها هادئة وشكلها مقبول

الخزان الارضي منه انواع
نوع يكون مبني بالخرسانة تحت الارض وهذا مكلف ويحتاج عزل جيد وعادة يكون سعته كبيرة وممتازة ولانه مبني من الخرسانه فانه يتحمل مرور السيارات

الثاني خزان فيبر حجمه عادة من 15 طن وفوق ويدفن تحت الارض وما يحتاج الا الى جدران طابوق بجوانبه وغطاء فوقه (حديد او صبة خفيفة) وما يتحمل مرور السيارات فوقه

الثالث وهو خزان على سطح الارض ويكون عادة حجمه اصغر من 10 طن بالكثير لانه يحتاج قطر ومساحة ممكن ما تتوفر على سطح الارض واغلب الناس اللي ما عملوا خزان تحت الارض يستخدموا هالانواع وبالامكان تركيب اكثر من خزان
ميزتها امكانية ملاحظة التهريبات و سهولة الصيانة وعيبها شكلها لابد من اخفائه ام خلف المنزل او في الارتداد

نصيحتي اذا عندك مكان خلف المنزل غير مستغل او في الارتداد الجانبي ... خذ الخيار الثالث لصيانته ولانك ممكن تكبر حجمه كلما لاحظت عدم كفايته بمعنى ممكن تاخذ مبدئيا 5 طن وتزود الى 40 طن اذا حبيت ووقت ما حبيت لان الخزانات تحت الارضية مساحتها محدودة بالمكان

اذا ماكان فيه مكان فوق الارض فافضل لك خزانات الفيبرجلاس لان فيه انواع مضمونة الى 15 سنه واكثر وسهل تغييرها او صيانتها مقارنة بالخزان الخرساني

اسأل الله لك التوفيق والسداد

المرشد
09-08-10, 02:39 AM
وفقك الله ورعاك أخوي خالد
لابد ان تدرك كم مقاسات الغرف الموجودة في الشقة وتحسب كل غرفة كم تحتاج من طن من التكييف

اخوك المرشد / موسسة باثابت

دودي خالد
09-08-10, 07:52 PM
تحياتي للجميع
أنا أقترح مكيفات أسبليت أقل تكلفة عند التنفيذ( المركزي يحتاج وحدات تكييف+دكتات+قريلات يعني أنواع الخساير) و أقل استهلاك كهرباء و طبعا قوة المكيف تعتمد على حسب حجم كل غرفة ( لها معادلة معروفة عند مقاولين التكييف) أنت عطهم المساحة طول*عرض*إرتفاع و يعلمونك كم تحتاج كل غرفة من وحدة تكييف.
ثانيا: الخزان الأرضي أساسي و حاول تكون مساحتة كبيرة يعني يتسع إلى 84 م3 من الماء و إذا كبرت الخزان الأرضي تستفد من تصغير الخزان العلوي.
لا تهمل إرتفاعات الأسقف مهمة جدا
وبالتوفيق

للإستشارة المباشرة
eb_ksa@yahoo.com

مندوب التكييف والتبريد
22-09-10, 02:50 PM
عليك بالسبلت ................. المركزي يجبر الغرفه الباقيه على التشغيل .. ولو وضعت دنابر غلق الهواء يزيد الدفع في غرف اخرى


اوصيك بالسبلت .. وان تهت بالانواع .. سوف اخبرك بالجوده .. لكن عليك ان تترك مقاسات الغرف

ولك من كل الود والتقدير اخوك ابو فهد

e-hisham
22-09-10, 07:01 PM
الاخ عبداللطيف تحياتي وتقديري
راح اعطيك وجهة نظري وطبعا الاخوان ماقصرو كفو ووفو لكن عندي راي بحكم خبرتي في هالمجال

بالنسبه لتكييف الدور الارضي :
طبعا ماعندي خلفيه عن المساحات والاماكن المتاحه بالنسبه للتكييف عندك لكن بالنسبه لمجلس النساء ومجلس الرجال ممكن تركبها مخفي وهي عباره عن وحدات منفصله ومستقله مثل الاسبليت لكن الوحده الداخليه يركب لها دكت واكسسوارات وهذي تقريبا نفس الاسبليت وطبعا تعطي وجاهه للبيت وخاصه انها في اماكن الزوار -- و يفضل انها تكون 3 فاز لانها اوفر في الكهرب طبعا اذا وجد المكان المناسب للتركيب .
بالنسبه للصاله ممكن مخفي او اسبليت لك الخيار وكلها واحد
صالة الطعام اسبليت
الغرف الداخليه اسبليت
الدور العلوي طالما انه للاسثمار ممكن تسوي طريقه ممتازه وهي كالتالي :
اعمل فتحات تكييف شباك وأسس نقاط توزيع اسبليت بدون نحاس وبعد التشطيب النهائي قفلها بالغطاء الخاص بعلب الكهرباء وتصير جاهزه اذا حب المستأجر يركب اسبليت ف البكسيه وصرف المياه جاهز ويقدر يقفل فتحة الشباك بخشب ويدهنها او يحط عليها برواز واذا حب يركب شباك فالفتحه جاهزه .
هذا رايي
وممكن تاخذ فكره عن المخفي من الموقع http://www.homekw.com/bet/showthread.php?t=16422
مع تحياتي وتقديري