كيف أعرف السراميك الردي من الجيد ؟

[بو معاذ]

سوف أذهب الى محلات السراميك على طريق الخرج بالرياض

وتعرفون السوق مليان وكل يمدح بضاعته .

سؤالي : انا عندي فلة للتأجير وبعض المستأجرين - هداه الله - لا يحافظ على البيت


# فكيف أعرف السراميك الردي من الجيد ؟

# عرض لي شخص بلاط سراميك لكن هذا البلاط تعرض للحريق فهل يضره ذلك ؟ سعره قبل الحريق المتر بــ 30 ريال بعد الحريق سعره بـــ 15 ريال

[ماطر]

اتمنى منك مدي بالمعلومات اخي بو معاذ وفقك الله حيث انني مقبل على البلاط واتنمى من ذكر المحلات اللي على طريق الخرج وبالذات اللي اسعارهم معقولة ولاتنساني وانا اخوك

[angelvert]

للاسف لا يظهر الا بعد التركيب
والعامل الماهر فى قدرته تركيب سيراميك سيىء جدا
لكن بعد التركيب يكون مثل السوبر
حتى الشركات الفرز الاول او الكومبيوتر او السوبر لا يسلم من الاخطاء ولو البسيطة جدا تكون ملحوظة للعين الماهرة فى البحث عن الجمال والمتذوقة للفن

[فتى الكمبيوتر]

حياك الله اخوي وانا مثلك بعد ابي اعرف النوعيات الممتازه

مافهمت اخوي
angelvert


كيف اميز بين الفرز الاول والكمبيوتر

اخوي راح للمستودعات مره ولقى فيه كميات رخيصه يقولون لانها موديلات قديمه او لم تعد متوفره

بشكل يسد حاجة الزبون

ايضا مره رحت الى سيراميك الخزف السعودي ووجدتهم كاتبين لتتاكد من جودة السيراميك ضع حبر بماء وضعه على اسفل السيراميك واذا خرج الى سطح السيراميك فهذا دليل على قلة الجودة

ايضا مره استشرت فني فلبيني يعمل في محل سيراميك لايبعون الا اسباني واسعارهم من الـ 70 وفوق ولقيت نوعيه نفس نوعية الاماراتي راس الخيمه اللي ركبته في جزء كبير من البيت وانا شاريه بـ 22 ريال للمتر وقال شوف اهم شي يكون كلاس A يقولون يجي على الكرتون ورحت شفت الكرتون فيه حرف A من ضمن الرقم الطويل المطبوع بالحبر المنقط.

طبعا هم سوو تخفيضات في رمضان وشريت للمجلس فقط والمتر كان بـ 55 ريال حول 32 متر وعطاني تصميم للمزج بين درجات الالوان بشكل متداخل ولا باقي البيت كله لون واحد ومربعات ورا بعض بدون اي ديكورات متداخله.

والله يوفقكم ويسعدكم

[ماطر]

اخوي فتى الكمبيوتر بما انك خلصت من مرحلة البلاط طبعا لديك خبرة في المحلات وبالذات اذا كنت من الرياض امل منك ذكر المحلات ولك من الدعاء في هالشهر الفضيل

[فتى الكمبيوتر]

حياك الله اخي معاذ

انا مريت على المحلات اللي على طريق الخرج

طبعا جولتي كانت قصيره جدا ولم آخذ الوقت الكافي لظروف خاصه

وانا ابني في الاحساء

انا شريت السيراميك من محل اسمه الحسيني قبل المحطه الاخيره اللي تجي على اليمين قبل

الاشاره . المحلات كثيره وكلهم تقريبا يعرضون نفس البضاعه ولكن لهم تعامل خاص مع

المستودعات من ناحية الاسعار. فيه محل اسمه الدخيل لقيت عندهم سيراميك حلو عماني

لكن ترددت في شرائه . المهم انا شريت سيراميك من محل الحسيني بسعر 22 الى 23 في بعض الموديلات

وكان سعر حلو بالنسبه لي يفرق عن اسعار الاحساء ونقلته بــ 500 ريال وشريت من عندهم ايضا شاور القدم بسعر 600 ريال للواحد مقاس 80 في 80

اهم شي اخوي خذ معك المخطط علشان تعرف احتياجاتك وتشكل على راحتك ولا تلتزم بشكل واحد التنويع حلو .

وخل الاهل لهم راي من الصغير الى الكبير

وبالنسبه للسيراميك الثاني صراحه شريته من محل اسمه انوريكا في الاحساء عندنا وميزتهم يصممون لك اشكال للسيراميك وانت تختار . بس سيراميكهم غالي . الا اذا كان لمساحات محدده كالصاله وزي كذا فلا باس

اكثر اصدقائي اللي يبنون يشترون من راس الخيمه لان سعرهم معقول وجودتهم عاليه

والله يعزك سيراميك دورات المياه خذيت نوعيه اسمها كجاريا نوع هندي بالنسبه للارضيات دورات المياه

اما الجدران فهو اماراتي بس مادري اي شركه بالضبط.

المطبخ خذيت نوعيه من سيراميك الجوده والظاهر مصنعهم في الرياض وسعره على ما اذكر 24 ريال

وحصلتها في الرياض باقل من كذا بس بعدين.

الله يسهل امورك

[الشاهين]

مارياكم اخواني بالخزف السعودي او سيراميك راس الخيمه من ناحيه الجوده؟